काठमाडौं । भुटानका प्रधानमन्त्री छिरिङ्ग तोब्गेलेले राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन्द्र शाहलाई बधाई दिएका छन्।
सामाजिक सञ्जालमार्फत शुभकामना सन्देश जारी गर्दै प्रधानमन्त्री तोब्गेले नेपालको निर्वाचनबाट प्राप्त जनमतका लागि रास्वपाका शीर्ष नेताद्वयलाई बधाई दिएका हुन् । उनले नेपालको लोकतान्त्रिक प्रक्रियामा सक्रिय सहभागिता जनाएकोमा नेपाली जनतालाई पनि बधाई दिएका छन्।
“नेपालको आम निर्वाचनमा उल्लेखनीय सफलता हासिल गर्नुभएकोमा श्री बालेन शाह र श्री रवि लामिछानेलाई हार्दिक बधाई,” उनले आफ्नो सन्देशमा उल्लेख गरेका छन्। साथै उनले सफलतापूर्वक सम्पन्न निर्वाचनका लागि नेपाली जनतालाई पनि अभिनन्दन व्यक्त गरेका छन्।
प्रधानमन्त्री तोब्गेले आगामी सरकारसँग सहकार्य गर्दै भुटान र नेपालबीच रहेको पारस्परिक विश्वास र न्यानो मित्रतालाई अझ सुदृढ बनाउने अपेक्षा व्यक्त गरेका छन्।
प्रतिक्रिया