काठमाडौं । जनमोर्चाका सांसद कृष्ण थापाको पद थमौती गर्ने सर्वोच्चको अन्तरिम आदेश विरुद्धको भ्याकेट निवेदन न्यायाधीसद्वय सपना प्रधान मल्ला र कुमार चुँडालको इजलासमा परेको छ ।
गत मंगलबार न्यायाधीस चुँडालको एकल बेञ्चले थापालाई थमौती गराउन अन्तरिम आदेश जारी गरेको थियो ।
अन्तरिम आदेश जारी गर्ने न्यायाधीस समेतकै इजलासमा भ्याकेट निवेदन समेत परेपछि यसबारे सुनुवाइ आज नहुने देखिएको छ । यौटै मुद्दामा यसअघि सुनुवाइ गरेका न्यायाधीसले सोही मुद्दामा अर्को सुनुवाइ नगर्ने चलन रहँदै आएको छ ।
राष्ट्रिय जनमोर्चा र गण्डकी प्रदेशका सभामुख नेत्रनाथ अधिकारीले अन्तरिम आदेशमाथि भ्याकेट हालेका थिए ।
गण्डकी प्रदेश सभामा मुख्यमन्त्री पृथ्वीसुब्बा गुरुङले आजै विश्वासको मत लिँदैछन् । अन्तरिम आदेशबाट पुनर्वहाली पाएका सांसद थापाले आफ्नै पार्टीको निर्देशन (ह्वीप) उल्लंघन गर्ने बताइसकेका छन् । यसअघिे पार्टीको निर्देशन उल्लंघन गरेकै कारण जनमोर्चाले उनलाई सांसद पदबाट हटाएको थियो । जनमोर्चाको पत्रका आधारमा प्रदेशसभा सचिवालयले थापाको पद खारेज गरेको थियो ।
प्रतिक्रिया