काठमाडौं । काठमाडौं उपत्यकाको फोहोर विसर्जनमा पुनः अवरोध आएको छ ।
स्थानीय बासिन्दाको विरोधका कारण बञ्चरेडाँडामा काठमाडौं उपत्यकाबाट लगिएको फोहोर विसर्जन अवरुद्ध भएको हो ।
बञ्चरेडाँडा क्षेत्रका बासिन्दाले काठमाडौं महानगरपालिका र शहरी विकास मन्त्रालयसँग यसअघि भएका सहमति कार्यान्वयन नभएकोमा रोष जताउँदै फोहोर फाल्न अवरोध गरेका हुन् । उनीहरुले विगतमा भएका सहमतिहरू पूरा नभएसम्म फोहोर विसर्जन गर्न नदिने अडानका राखेका छन् ।
आज काठमाडौंबाट फोहोर बोकेर पुगेका गाडीहरूलाई स्थानीयले फिर्ता पठाइदिएका छन् ।
यसअघि गत १६ कात्तिकमा शहरी विकासमन्त्री कुलमान घिसिङले विगतका सहमति कार्यान्वयन गर्ने प्रतिबद्धता जनाएपछि फोहोर विसर्जनको अवरोध हटेको थियो ।
स्थानीयको आन्दोलनलाई नुवाकोटको यस आन्दोलनमा ककनी, बेलकोटगढी र धादिङको धुनीबेँसीका स्थानीय जनप्रतिनिधि तथा विभिन्न राजनीतिक दलका नेताहरूले समेत समर्थन जनाएका छन्।
प्रतिक्रिया