दाङ । दाङमा श्रीमानको धारिलो हतियार प्रहारबाट श्रीमतीको हत्या भएको छ । तुलसीपुर उपमहानगरपालिका वडा नं.१९ दोघर्रेका स्थानीय ३४ वर्षीय गोपाल वलीले धारिलो हतियार प्रहार गरि २७ वर्षीया श्रीमती कमला वलीको हत्या गरेको प्रहरीले जनाएको छ ।
गोपालको धारिलो हतियारबाट उनकै श्रीमती कमलाको मृत्यु भएको जिल्ला प्रहरी कार्यालय दाङका प्रहरी निरीक्षक बाबुराम बस्नेतले बताए ।
विहीबार साँझ अन्दाजी साढे ७ बजेको समयमा श्रीमानले धारिलो हतियार प्रहार गर्दा टाउको र अनुहारमा चोट लागेर गम्भीर घाइते भएकी कमलाको उपचारका लागि राप्ती प्रादेशिक अस्पताल तुलसीपुर पुर्याइएको थियो, तर अस्पताल पुर्याए लगत्तै चिकित्सकले कमलालाई मृत घोषणा गरेका थिए ।
श्रीमान गोपाललाई प्रहरीले नियन्त्रण लिएर अनुसन्धान अघि बढाएको छ ।
प्रतिक्रिया