काठमाडौं । काठमाडौंबाट दोलखाको लाप्चातर्फ उडेको मुस्ताङ एयरको हेलिकोप्टर सम्पर्कविहीन भएको छ।
आज बिहान करिब १०:२५ बजे उडेको नाइनएन–एएनओ नम्बरको उक्त हेलिकोप्टर उडान सुरु भएको केही समयमै सम्पर्कबाहिर गएको हो।
हेलिकोप्टर लाप्चामा अवतरण गरी पुनः उडेको केही मिनेटपछि सम्पर्क विच्छेद भएको बताइएको छ ।
क्याप्टेन सुरज थापा क्षेत्रीले उडाएको सो हेलिकोप्टरमा चार जना यात्रु रहेको जनाइएको छ।
हालसम्म हेलिकोप्टरको अवस्थाबारे आधिकारिक पुष्टि हुन सकेको छैन। सम्बन्धित निकायहरूले सम्भावित क्षेत्रमा खोज तथा उद्धार कार्य सुरु गर्ने तयारी गरिरहेका छन्।
दोलखाको लाप्चा आसपास क्षेत्रमा हेलिकोप्टर हराएको आशंका गरिएको छ। तर उक्त क्षेत्रमा भारी वर्षा भइरहेकाले उद्धार टोलीलाई घटनास्थलतर्फ पुग्न कठिनाइ भइरहेको जनाइएको छ।
नेपाली सेनाको टोली दोलखाबाट सम्भावित दुर्घटनास्थलतर्फ पठाइसकिएको छ।
प्रतिक्रिया