काठमाडौं । नेपाली कांग्रेसले नेता एवं पूर्वउपसभापति पूर्णबहादुर खड्काले ‘कार्यवाहक सभापति’का हैसियतबाट विज्ञप्ति जारी गरेपछि कांग्रेसको संस्थापन पक्षले खड्कालाई कारवाही गर्ने सम्बनधमा परामर्श थालेको छ ।
शनिबार बिहान नेकपा एमालेका अध्यक्ष एवं पूर्वप्रधानमन्त्री केपी शर्मा ओली र पूर्वगृहमन्त्री एवम् कांग्रेस नेता रमेश लेखकलाई गिरफ्तार गरेको विरोधमा खड्काले कार्यवाहक सभापतिको रुपमा विज्ञप्ति निकालेका थिए।
पार्टीको संस्थागत निर्णयभन्दा बाहिर गएर खड्काले विज्ञप्ति निकालेको ठहर गर्दै कांग्रेस नेताहरुले उनलाई गरिने कारवाही बारे परामर्श सुरु गरेका हुन् ।
खड्काले कार्यवाहक सभापतिको रूपमा विज्ञप्ति निकाल्ने कुरा पार्टी अनुशासन बाहिरको विषय भएको कांग्रेस महामन्त्री गुरुराज घिमिरेले बताए ।
खड्काले निकालेको विज्ञप्तिका शनिबार साँझ फोनमा सामान्य कुराकानी भएको घिमिरेले बताए । उनका अनुसार आज पदाधिकारीको बैठक बसेर त्यस विषयमा धारणा बनाइने छ ।
खड्काको क्रियाशील सदस्यता अद्यावधिक नगर्ने सम्मको छलफल हुन सक्ने कांग्रेसका एक नेताले बताए । बारेमा छलफल हुन्छ,’ उनले भने।
कांग्रेसले क्रियाशील सदस्यता सबैले अद्यावधिक गर्ने निर्णय गरेको छ। विशेष महाधिवेशनबाट आएको कांग्रेस नेतृत्वले क्रियाशील सदस्यता सबैले अद्यावधिक गर्ने निर्णय गरेको छ । कांग्रेसका नेतादेखि कार्यकर्ता सबैले क्रियाशील सदस्यता पुनस् लिनुपर्ने विधि बनाएको छ । यद्देपी वडाबाट सदस्यता अध्यावधिको सिफारिस गर्ने कार्यबिधि भएपनि केन्द्रले अध्यावधिक नगर्ने वा खारेज गर्न सक्ने व्यवस्था रहेको छ ।
प्रतिक्रिया