काठमाडौं । नेकपा (एमाले)को तर्फबाट प्रतिनिधिसभामा दल नेता एवं पार्टी उपाध्यक्ष रामबहादुर थापाले गरेको सम्बोधन पार्टीभित्रै विवादित बनेको छ ।
एमाले उपाध्यक्ष विष्णु पौडेलले दल नेताको हैसियतले उपाध्यक्ष रामबहादुर थापाले बिहीबार सदनमा राखेका धारणा पार्टीका स्थापित नीति र मान्यताविपरीत रहेको बताएका छन्। उपाध्यक्ष पौडेलले सामाजिक सञ्जाल फेसबुकमार्फत आफ्नो धारणा राख्दै यसविषयमा भोलि बस्ने सचिवालय बैठकमा गम्भीर छलफल हुने स्पष्ट पारेका छन् ।
थापाले सम्बोधनका क्रममा नेपाली सेना लगायतका राज्यका संस्थालाई आरोपित गरेका थिए ।
पौडेलले लेखेका छन्, ‘प्रतिनिधि सभाको आजको बैठकमा नेकपा (एमाले)को दल नेताको हैसियतले मा. रामबहादुर थापाले व्यक्त गर्नुभएको विचार पार्टीका स्थापित नीति र मान्यता विपरीत छन् । यस सम्बन्धमा भोलि आयोजना गरिएको नेकपा (एमाले)को केन्द्रीय सचिवालयको बैठकमा गम्भीरतापूर्वक छलफल हुने र उचित निर्णय हुने अपेक्षा गरेको छु ।’
थापाको सम्बोधनलाई एमाले उपमहासचिव योगेश भट्टराईले समेत आलोचना गरेका छन् ।
यो पनि पढ्नुहोस : रास्वपालाई चुनाव जिताउन शक्तिकेन्द्रहरुले निलो क्रान्ति गराए – रामबहादुर थापा
प्रतिक्रिया