काठमाडौं । नेकपा एमालेका उपाध्यक्ष विष्णु पौडेलले पछिल्लो समय राजनीतिक बजारमा चलिरहेको वामपन्थी एकताको चर्चालाई असान्दर्भिक भएको टिप्पणी गरेका छन् ।
सामाजिक सञ्जाल फेसबुकमार्फत आफ्नो धारणा सार्वजनिक गर्दै उनले पार्टीभित्र गम्भीर आत्मसमिक्षा र पुनर्गठनलाई प्राथमिकता दिनुपर्ने बताएका छन्।
नेकपा (एमाले)ले हालैका निर्वाचनहरूमा भोगेको पराजयलाई ‘चिन्ताजनक’ उल्लेख गर्दै लेखेका छन् लेखेका छन्, “निर्वाचनमा भएको पराजयको गम्भीर समीक्षा र पार्टीको पुनर्गठन आजको प्राथमिक कार्यसूची हो।”
उपाध्यक्ष पौडेलले यथार्थ समस्याबाट ध्यान मोड्ने उद्देश्यले ‘पर्दा पछाडिबाट’ वामपन्थी एकताको चर्चा चलाइएको संकेत गर्दै प्रश्न उठाएका छन्— “यस यथार्थबाट अन्यत्र ध्यान मोड्ने गरी वामपन्थी एकताको असान्दर्भिक चर्चा कसले र किन चलाइरहेका हुन् ?”
पछिल्ला केही दिनयता नेकपा (एमाले) र नेपाली कम्युनिष्ट पार्टी बीच पुनः एकता हुन सक्ने चर्चा राजनीतिक वृत्तमा तीव्र बनेको छ। विशेषतः केपी शर्मा ओली नेतृत्वको विकल्प खोज्ने बहस एमालेभित्रै चर्किंदै गएको सन्दर्भमा यो चर्चाले बजार पाएको हो ।
प्रतिक्रिया