काठमाडौं । सरकारले सार्वजनिक यातायातको भाडा दर बढाउन सहमति दिएसँगै यातायात व्यवस्था विभागले यातायातमा नयाँ भाडादर सार्वजनिक गरेको छ ।
इन्धनको मूल्यमा भएको वृद्धिसँगै भौतिक पूर्वाधार तथा यातायात मन्त्रालयले यातायात व्यवस्था विभागलाई भाडा समायोजन गर्न सहमति दिए दगत्तै विभागले बढेको भाडादर सार्वजनिक गरेको हो ।
विभागले नेपालमा इन्धनको मूल्यमा भएको वृद्धिकै अनुपातमा भाडा वृद्धि गरेको जनाएको छ । विभागले साविक भाडामा यात्रुबहाक सवारीसाधनको हकमा १६.७१ प्रतिशत, पहाडी बाटोमा सञ्चालन हुने मालवहाक सवारीको २१.६८ प्रतिशत र तराईको बाटोमा सञ्चालन हुने मालवहाक सवारीको हकमा १५.७५ प्रतिशत भाडा वृद्धि गरेको छ ।
ईन्धनको मुल्यमा भएको वृद्धि समेतलाई विचार गरि आजको मितिदेखि लागु हुनेगरि दुई वा सो भन्दा बढी प्रदेश भई (राष्ट्रियस्तरका रुटमा) सञ्चालन हुने सार्वजनिक यातायातको भाडादर स्वचालित प्रणाली बमोजिम बृद्धि गरेको विभागको सूचनामा उल्लेख छ ।
प्रतिक्रिया