काठमाडौं । परराष्ट्रमन्त्री शिशिर खनाल र भारतीय विदेशमन्त्री एस जयशंकरबीच मौरिससमा भेटवार्ता भएको छ । नवौँ हिन्द महासागर सम्मेलनमा सहभागी हुन पोर्ट लुइस पुगेका मन्त्री खनालले शुक्रबार भारतीय समकक्षी जयशंकरसँग भेट गरेका हुन् ।
परराष्ट्र मन्त्रालयका अनुसार भेटमा लामो समयदेखिको बहुआयामिक नेपाल-भारत सम्बन्धको समीक्षा गरिएको थियो । साथै, विभिन्न क्षेत्रमा दुई देशबीच सहकार्यका सम्भावनाबारे छलफल भएको जनाइएको छ ।
दुई दिने सम्मेलनमा सहभागी हुन खनाल मौरिससमा रहेका छन् । भेटपछि सामाजिक सञ्जाल ‘एक्स’मा प्रतिक्रिया दिँदै विदेशमन्त्री जयशंकरले मन्त्री खनालसँगको भेटप्रति खुशी व्यक्त गरेका छन् ।
प्रतिक्रिया