काठमाडौं । नवनियुक्त दुई मन्त्रीले पद तथा गोपनीयताको शपथ लिएका छन् । राष्ट्रपति निवास शीतलनिवासमा आयोजित समारोहमा राष्ट्रपति रामचन्द्र पौडेलले गौरीकुमारी यादव र रामजी यादवलाई शपथ गराएका हुन् ।
प्रधानमन्त्री बालेन्द्र शाह (बालेन)ले शुक्रबार नै उनीहरूलाई मन्त्रीमा नियुक्त गरेका थिए । सोअनुसार रामजी यादवलाई श्रम, रोजगार तथा सामाजिक सुरक्षामन्त्री र गौरीकुमारी यादवलाई मन्त्री पदको जिम्मेवारी दिइएको हो ।
यसअघि श्रम मन्त्रालय सम्हालिरहेका दीपककुमार साहलाई प्रधानमन्त्री शाहले पदमुक्त गरेका थिए । उद्योग मन्त्रालयको जिम्मेवारी भने प्रधानमन्त्री शाहले नै सम्हाल्दै आएका छन् ।
रामजी यादव सप्तरी क्षेत्र नम्बर २ बाट निर्वाचित सांसद हुन् भने गौरीकुमारी यादव महोत्तरी क्षेत्र नम्बर ४ बाट निर्वाचित सांसद हुन् ।
प्रतिक्रिया