काठमाडौं । प्रधानमन्त्री बालेन्द्र शाह (बालेन)ले प्रतिनिधिसभामा समानुपातिकतर्फका सांसदहरूसँग आज (वैशाख २) अन्तरक्रिया गर्ने भएका छन् ।
प्रधानमन्त्री तथा मन्त्रिपरिषद्को कार्यालयमा मध्याह्न १२ बजे हुने कार्यक्रममा प्रतिनिधिसभामा प्रतिनिधित्व गर्ने सबै दलका समानुपातिक सांसदहरू सहभागी हुने प्रधानमन्त्रीको सचिवालयले जनाएको छ ।
सचिवालयका अनुसार, जनप्रतिनिधि र कार्यपालिकाबीच प्रत्यक्ष संवाद स्थापित गरी नीति निर्माण तथा कार्यान्वयनलाई थप प्रभावकारी बनाउने उद्देश्यले अन्तरक्रिया आयोजना गरिएको हो ।
यसअघि प्रधानमन्त्री बालेनले प्रत्यक्षतर्फ निर्वाचित सांसदहरूसँग प्रदेशगत रूपमा अन्तरक्रिया गरिसकेका छन् । कार्यक्रममा सहभागी सांसदहरूले आ-आफ्ना क्षेत्रका समस्या, चुनौती तथा समाधानका उपाय प्रस्तुत गर्नेछन् ।
सरकारले यस कार्यक्रमलाई सुशासन, उत्तरदायित्व र जनमुखी शासन प्रणाली सुदृढ गर्ने महत्वपूर्ण अवसरका रूपमा लिएको छ ।
प्रतिक्रिया