काठमाडौं। संघीय संसद् अन्तर्गत प्रतिनिधिसभाका १० विषयगत समिति र दुई संयुक्त समितिका नवनिर्वाचित सभापतिहरूले शुक्रबार पद तथा गोपनीयताको शपथ लिएका छन्।
सिंहदरबारस्थित सार्वजनिक लेखा समितिको हलमा आयोजित कार्यक्रममा सभामुख डोलप्रसाद अर्यालले सभापतिहरूलाई शपथ गराएका हुन्।
शुक्रबार सम्पन्न निर्वाचनमार्फत १० वटा समितिका सभापति सर्वसम्मत रूपमा चयन भएका थिए भने बाँकी दुई समितिमा भने प्रतिस्पर्धामार्फत नेतृत्व चयन गरिएको थियो।
नवनिर्वाचित सबै सभापतिहरूले आजै शपथ ग्रहण गरेका छन्।
शपथ ग्रहण समारोहमा उपसभामुख रुबी कुमारी ठाकुर तथा कानुन, न्याय तथा संसदीय मामिलामन्त्री सोबिता गौतमको समेत उपस्थिति रहेको थियो।
प्रतिक्रिया