काठमाडौं । बीपी राजमार्गमा सवारी आवागमन अवरुद्ध भएको छ । सडकखण्डका विभिन्न स्थानका डाइभर्सन बगाएपछि यातायात पूर्ण रूपमा बन्द भएको जिल्ला प्रहरी कार्यालय काभ्रेले जनाएको छ ।
शनिबार राति रोशी खोलामा अचानक पानीको बहाव बढ्दा डाइभर्सन बगेका हुन् । राजमार्गअन्तर्गत कटुन्जेदेखि मंगलटार सडकखण्डको घुमाउने लगायतका क्षेत्रमा रहेका डाइभर्सन बगेपछि यातायात प्रभावित बनेको हो ।
प्रहरीका अनुसार सडक मर्मत गरी आवागमन सुचारु गर्न समय लाग्नेछ । त्यसैले सडकको अवस्थाबारे जानकारी लिएर मात्रै यात्रा गर्न अनुरोध गरिएको छ ।
प्रहरीले सूचना जारी गर्दै भनेको छ, “डाइभर्सन बगेका कारण सडक मर्मतपछि मात्र सवारी सञ्चालन सम्भव हुने भएकाले यात्रुहरूले आवश्यक जानकारी लिएर मात्रै यात्रा गर्नुहुन अनुरोध छ ।”
प्रतिक्रिया