बुटवल । अध्ययनका लागि विदेश जान चाहने विद्यार्थीलाई लक्षित गर्दै रियल ड्रिम्स एजुकेशन कन्सल्टेन्सीले आइतबार बुटवलमा ‘युके युनिभर्सिटी एडमिसन डे’ आयोजना गरेको छ ।
विगत २१ वर्षदेखि शैक्षिक परामर्श सेवा प्रदान गर्दै आएको कन्सल्टेन्सीले बुटवलको कालिकानगरस्थित आफ्नै कार्यालयमा कार्यक्रम सञ्चालन गरेको हो । संस्थाले युके केन्द्रित शैक्षिक सेवा प्रदान गर्दै आएको छ ।
कार्यक्रममा युकेका चर्चित विश्वविद्यालयका प्रतिनिधिहरूको सहभागिता रहेको रियल ड्रिम्सका प्रबन्ध निर्देशक अर्जुन पौडेलले जानकारी दिए । उनका अनुसार ‘एडमिसन डे’मा योर्क सेन्ट जोन युनिभर्सिटी र युनिभर्सिटी अफ इस्ट लन्डनका प्रतिनिधिहरू सहभागी थिए ।
काठमाडौंमा केन्द्रीय कार्यालय रहेको कन्सल्टेन्सीले बुटवलमा विगत १० वर्षदेखि सेवा दिँदै आएको छ । साथै चितवन र अष्ट्रेलियामा समेत यसको शाखा रहेको छ । संस्थाले हरेक वर्ष यस्ता विशेष कार्यक्रममा पाठ्यक्रम, अध्ययन प्रक्रिया र विश्वविद्यालय छनोटबारे विद्यार्थीलाई प्रत्यक्ष जानकारी दिने गरेको जनाएको छ ।
बुटवलमा आयोजित कार्यक्रममा सयभन्दा बढी विद्यार्थी सहभागी भएका थिए ।
कार्यक्रममा युके कन्ट्री हेड वसन्त नेपाल, सिनियर विद्यार्थी आवश्यकतासम्बन्धी सल्लाहकार किरन खतिवडा तथा योर्क सेन्ट जोन युनिभर्सिटीका प्रतिनिधि ली वाङले विद्यार्थीहरू जिज्ञासु र सिर्जनशील रहेको उल्लेख गरेका छन् ।
प्रतिक्रिया