काठमाडौं । सरकारले काठमाडौं उपत्यकाका बागमती र मनोहरा नदीकिनार अतिक्रमण गरी बनाइएका अवैध संरचना हटाउन आजदेखि डोजर चलाउने भएको छ ।
बागमती करिडोरअन्तर्गत थापाथली, टेकु, तीनकुने र सिनामंगल तथा मनोहरा क्षेत्रका अतिक्रमित बस्ती आज र भोलिभित्र खाली गराउने तयारी गरिएको छ ।
सुकुमवासी बस्ती हटाउन प्रहरी प्रशासन र काठमाडौं महानगरपालिकाको टोली बिहानैदेखि थापाथली क्षेत्रमा परिचालन गरिएको छ । सहरी विकास मन्त्रालय र सडक विभागका २० भन्दा बढी डोजर तथा १५ हजारभन्दा बढी सुरक्षाकर्मी परिचालन गरिने जनाइएको छ ।
यसअघि प्रशासनले सूचना जारी गर्दै शुक्रबार साँझसम्म घरटहरा खाली गर्न तथा आफ्ना सामान, लत्ताकपडा र घरपालुवा जनावर सुरक्षित स्थानमा सार्न आग्रह गरेको थियो ।
विशेषगरी बालबालिका, ज्येष्ठ नागरिक, गर्भवती, सुत्केरी तथा अपाङ्गता भएका व्यक्तिहरूलाई प्राथमिकतामा राखेर सुरक्षित स्थानान्तरण गर्न प्रशासनले निर्देशन दिएको छ ।
प्रतिक्रिया