काठमाडौं । सरकारले सशस्त्र प्रहरी बल नेपालको महानिरीक्षक (आईजीपी) पदमा अतिरिक्त महानिरीक्षक (एआईजी) नारायणदत्त पौडेललाई बढुवा गर्दै नियुक्त गर्ने निर्णय गरेको छ।
सोमबार बसेको मन्त्रिपरिषद् बैठकले पौडेललाई सशस्त्र प्रहरीको नेतृत्व जिम्मेवारी दिने निर्णय गरेको हो।
बैठकपछि सरकारका प्रवक्ता सस्मित पोखरेलले मन्त्रिपरिषद्का निर्णय सार्वजनिक गर्दै सुरक्षण मुद्रण केन्द्रलाई निजी क्षेत्रसँग प्रतिस्पर्धा गर्दै व्यापारिक कारोबार गर्न सक्ने सार्वजनिक निकायको सूचीमा समावेश गर्ने निर्णय भएको जानकारी दिए। यससम्बन्धी सूचना नेपाल राजपत्रमा प्रकाशित गरिने पनि उनले बताए।
यस्तै, मन्त्रिपरिषद् बैठकले भन्सार नियमावली, २०८३ लाई समेत स्वीकृति प्रदान गरेको छ।
प्रतिक्रिया