काठमाडौं । सरकारले ‘संविधान संशोधन बहसपत्र तयार गर्ने कार्यदल-२०८२’ मार्फत संविधान संशोधनको औपचारिक गृहकार्यलाई तीव्रता दिएको छ ।
प्रधानमन्त्री वालेन्द्र शाहका प्रमुख राजनीतिक सल्लाहकार असिम शाहको संयोजकत्वमा गठित कार्यदलले आज दिउँसो ३ बजेदेखि ५ बजेसम्म प्रधानमन्त्री तथा मन्त्रिपरिषद्को कार्यालयमा वरिष्ठ अधिवक्ता तथा कानुन व्यवसायीहरूसँग विशेष छलफल आयोजना गरेको छ ।
कार्यदलले यसअघि संविधानविद्हरूसँग पनि छलफल गरिसकेको छ । मन्त्रिपरिषद्को २०८२ चैत १६ गतेको निर्णयअनुसार गठन भएको कार्यदलले वैशाख १० गतेको बैठकको निर्णय बमोजिम परामर्श प्रक्रिया अघि बढाएको हो ।
कार्यदलले विभिन्न सरोकारवालासँगको छलफलबाट प्राप्त सुझावका आधारमा संविधान संशोधनसम्बन्धी ठोस बहसपत्र तयार गरी सरकारसमक्ष पेश गर्ने तयारी गरेको जनाएको छ ।
प्रतिक्रिया