काठमाडौं । त्रिभुवन अन्तर्राष्ट्रिय विमानस्थलमा टर्किस एयरलाइन्सको विमानमा आगलागी भएपछि अन्तर्राष्ट्रिय उडान तथा अवतरण प्रभावित भएका छन् ।
इस्तानबुलबाट काठमाडौं आएको टर्किस एयरलाइन्सको टीके-७२६ नम्बरको विमान आज बिहान अवतरण गर्ने क्रममा चक्कामा आगो लागेको थियो । आगो दमकलको सहायताले नियन्त्रणमा लिइएको नेपाल नागरिक उड्डयन प्राधिकरण (क्यान)ले जनाएको छ ।
क्यानका सूचना अधिकारी ज्ञानेन्द्र भुलका अनुसार विमानमा सवार चार बालबालिकासहित २७७ यात्रु सबै सकुशल रहेका छन् । यात्रुहरूलाई आपत्कालीन ढोका प्रयोग गरेर उद्धार गरिएको थियो । उद्धारका क्रममा केही यात्रु सामान्य घाइते भएका छन् ।
आगलागीपछि विमान धावनमार्गमै रोकिएकाले अन्तर्राष्ट्रिय उडानका ठूला जहाजहरूको नियमित अवतरण तथा उडान तालिकामा असर परेको छ । विमान हटाउने काम जारी रहेको विमानस्थल प्रशासनले जनाएको छ ।
प्रतिक्रिया