काठमाडौं । आगामी आर्थिक वर्ष २०८३/८४ को बजेट निर्माणका लागि आवश्यक आर्थिक तथा वित्तीय अवस्थासम्बन्धी पूर्ण बजेटकालीन समीक्षा प्रतिवेदन अर्थमन्त्री डा स्वर्णिम वाग्लेलाई बुझाइएको छ ।
सोमबार नेपाल राष्ट्र बैंकका गभर्नर विश्ल पौडेलले अर्थ मन्त्रालयमा पुगेर उक्त प्रतिवेदन अर्थमन्त्री समक्ष पेश गरेका हुन् ।
नेपाल राष्ट्र बैंक ऐन, २०५८ अनुसार बैंकले देशको आर्थिक तथा वित्तीय अवस्थाबारे नेपाल सरकारलाई नियमित प्रतिवेदन पेश गर्नुपर्ने व्यवस्था छ । ऐनको दफा ६९ (४)मा वार्षिक बजेट तर्जुमाका लागि आवश्यक आर्थिक तथा वित्तीय अवस्थासम्बन्धी प्रतिवेदन नेपाल सरकारसमक्ष पेश गर्नुपर्ने उल्लेख गरिएको छ ।
अर्थ मन्त्रालयका अनुसार प्रस्तुत प्रतिवेदन आगामी बजेट निर्माण तथा आर्थिक नीति तय गर्न महत्वपूर्ण आधारका रूपमा प्रयोग गरिनेछ ।
प्रतिक्रिया