काठमाडौं । सत्तारूढ राष्ट्रिय स्वतन्त्र पार्टी (रास्वपा)ले विभिन्न समसामयिक विषयमा छलफल गर्न केन्द्रीय समिति बैठक आह्वान गरेको छ।
बुधबार बिहान ९ बजे पार्टी केन्द्रीय कार्यालय चःमतिमा बैठक बोलाइएको हो। बैठकमा केन्द्रीय महाधिवेशनको तयारी, सरकार सञ्चालन, संसदको चालू बर्खे अधिवेशनलगायत विषयमा विस्तृत छलफल हुने जनाइएको छ।
रास्वपाका प्रवक्ता मनिष झा ले सबै केन्द्रीय समिति सदस्यलाई अनिवार्य रूपमा उपस्थित हुन निर्देशन दिइएको जानकारी दिएका छन्।
रास्वपाले आगामी भदौभित्र पहिलो केन्द्रीय महाधिवेशन सम्पन्न गर्ने तयारी अघि बढाएको छ। यसका लागि महाधिवेशन कार्यविधि पारित गरिसकेको पार्टीले कार्यतालिकासमेत सार्वजनिक गरिसकेको छ। यद्यपि, महाधिवेशनको ठोस मिति भने अझै तय गरिएको छैन।
प्रतिक्रिया