बुटवल । रुपन्देही प्रहरीले बुटवलबाट जिउँदो कछुवा सहित एक जनालाई पक्राउ गरेको छ । बुटवल उप-महानगरपालिका वडा नं.८ स्थित फाईनान्स चोकमा जीवित कछुवा बेच्दै हिँडिरहेका एकजनालाई कछुवा सहित प्रहरीले पक्राउ गरेको हो ।
बिशेष सूचनाको आधारमा पछ्याउँदै पुगेको प्रहरी टोलीले बुटवल उपमहानगरपालिका वडा नं. १७ रानिगञ्ज बस्ने ४१ वर्षिय शंकर सुनारलाई जिउँदो कछुवासहित पक्राउ गरेको प्रहरीले जनाएको छ । प्रहरीका अनुसार पक्राउ परेका सुनारको साथबाट कछुवा थान-१ फेला परेको छ ।
सुनारलाई थप आबश्यक अनुसन्धान तथा कारवाहीको लागि डिभिजन वन कार्यालय भैरहवा रुपन्देहीमा बुझाइएको प्रहरीले जनाएको छ ।
प्रतिक्रिया