बुटवल । बुटवल-१०, रुपन्देहीस्थित कालिका मानवज्ञान माध्यमिक विद्यालयएसईई परीक्षा २०८२ मा प्राविधिक धार तर्फ नेपाल प्रथम भएको छ ।
विद्यालयका प्रधानाध्यापक दिनेश थापाका अनुसार प्राविधिकधार तर्फ सहभागी ४७ जना विद्यार्थी सबैजना उत्तीर्ण भएका हुन सत प्रतिशत नतिजा प्राविधिक धारतर्फ को नतिजा अनुसार नेपाल प्रथम भएको हो ।
विद्यालयमा कम्प्युटर ईन्जिनियरिङ तर्फ यस वर्ष एसईइ परीक्षामा सहभागी कुल ४७ जना विद्यार्थीमध्ये सबै विद्यार्थी उत्तीर्ण भएका छन । जसमा २ जना विद्यार्थीले ४.० जिपिए ल्याएका छन् भने २७ जनाले ३.६ देखि ३.९८ जिपिएहासिल गरेका छन्। त्यस्तै १५ जना विद्यार्थीले ३.२ देखि ३.५९ जिपिए प्राप्त गरेका छन् भने ३ जनाले २.८ देखि ३.१९ जिपिए ल्याएका छन् ।
प्राविधिक शिक्षातर्फ नेपाल प्रथम बनेको विद्यालय साधारणतर्फ पनि सामुदायिक विद्यालयमा नेपाल दोस्रो र लुम्बिनी प्रदेश स्थान हासिल गर्दै नयाँ कीर्तिमान कायम गरेको छ ।
विद्यालय प्रशासनले यस उपलब्धिलाई विद्यार्थीको मेहनत, शिक्षकहरूको समर्पण तथा अभिभावकको सहयोगको परिणाम भएको जनाएको छ ।
विद्यालयका प्रधानाध्यापक दिनेश थापाका अनुसार यो सफलता हाम्रो सम्पूर्ण कालिका परिवारको सामूहिक प्रयासको फल हो । आगामी दिनमा अझ उत्कृष्ट नतिजा ल्याउने लक्ष्यका साथ हामी अगाडि बढ्ने थप हौसला प्रदान गरेको छ । उपलब्धिले विद्यालयलाई मात्र नभई सम्पूर्ण रुपन्देही जिल्ला र लुम्बिनी प्रदेशलाई समेत गर्व गर्ने अवसर प्रदान गरेको विद्यालयका प्रधानाध्यापक थापाले बताए ।
स्थानीय तहका जनप्रतिनिधि, शिक्षाप्रेमी तथा सरोकारवालाहरूले विद्यालयको प्रशंसा गर्दै आगामी दिनमा अझ प्रगति गर्ने विश्वास व्यक्त गरेका छन् ।
यसरी कालिका मानवज्ञान माविले प्राविधिक र साधारण दुवै धारामा उत्कृष्ट नतिजा ल्याउँदै नेपालकै उत्कृष्ट सामुदायिक विद्यालयका रूपमा आफ्नो पहिचान अझ मजबुत बनाएको छ ।
प्रतिक्रिया