काठमाडौं । सर्वोच्च अदालतले नेपाल इन्भेष्टमेन्ट मेगा बैंकका सीईओ ज्योति पाण्डेलाई हाजिर जमानीमा रिहा गर्न आदेश दिएको छ।
न्यायाधीशद्वय शारंगा सुवेदी र शान्तिसिंह थापाको संयुक्त इजलासले शुक्रबार बन्दीप्रत्यक्षीकरणको रिट जारी गर्दै पाण्डेलाई रिहा गर्न आदेश दिएको हो।
अदालतले पाण्डेलाई विदेश जानुपरेमा पूर्वअनुमति लिनुपर्ने सर्त समेत राखेको छ।
स्मार्ट सेलको सम्पत्ति लिलामीसम्बन्धी विवादमा पाण्डे पक्राउ परेका थिए। नेपाल इन्भेष्टमेन्ट मेगा बैंकले गत असोज ३ गते अवैध रूपमा लिलामी सूचना प्रकाशित गरेको आरोपमा उनीविरुद्ध अनुसन्धान भइरहेको छ।
सर्वोच्च अदालतको आदेशपछि पाण्डे रिहा हुने प्रक्रियामा रहेको उनका कानुन व्यवसायीले बताएका छन्। यद्यपि, अदालतको यस आदेशले उनीमाथि जारी प्रहरी अनुसन्धानमा कुनै अवरोध नपर्ने जनाइएको छ।
प्रतिक्रिया