काठमाडौं । सरकारले सोमबार बसेको मन्त्रिपरिषद् बैठकका विभिन्न महत्त्वपूर्ण निर्णयहरू सार्वजनिक गरेको छ ।
सरकारका प्रवक्ता तथा शिक्षामन्त्री सस्मित पोखरेलले बैठकपछि पत्रकार सम्मेलनमार्फत निर्णयहरूको जानकारी दिएका छन् ।
मन्त्रिपरिषद्ले नेपाल-चीन विद्युत् प्रसारण लाइन आयोजनादेखि धानको समर्थन मूल्य निर्धारणसम्मका विषयमा निर्णय गरेको छ । साथै सहकारी क्षेत्रमा देखिएको बेथितिसम्बन्धी प्रतिवेदन सार्वजनिक गर्ने र नेपाल नागरिक उड्डयन प्राधिकरणमा नयाँ महानिर्देशक नियुक्त गर्ने निर्णय पनि गरिएको छ ।
बैठकका मुख्य निर्णयहरू यस्ता छन् :
नेपाल–चीन जोड्ने चिलिमे-केरुङ विद्युत् प्रसारण लाइन आयोजनाको कार्यान्वयनका लागि चीन सरकारलाई पठाइने ‘लेटर अफ रिप्लाई’ स्वीकृत गर्ने ।
आर्थिक वर्ष २०८३/८४ का लागि वर्षे धानबालीको न्यूनतम समर्थन मूल्य निर्धारण गर्ने ।
जसअनुसार मोटो धानको मूल्य प्रतिक्विन्टल ३ हजार ६६० रुपैयाँ र मध्यम धानको मूल्य ३ हजार ८६० रुपैयाँ तोकिएको छ ।
सहकारी क्षेत्रमा देखिएको बेथितिको अध्ययन गर्न गठित जाँचबुझ आयोग २०८२ को प्रतिवेदन सार्वजनिक गर्ने ।
नेपाल नागरिक उड्डयन प्राधिकरणको महानिर्देशकमा सहसचिव मुकेश डंगोललाई नियुक्त गर्ने ।
प्रतिक्रिया