प्रतिनिधिसभाको बैठक आज पनि बस्दै, बजेटमाथिको छलफल जारी रहने

काठमाडौं । संघीय संसद्अन्तर्गत प्रतिनिधिसभाको बैठक आज पनि बस्दैछ । संसद् सचिवालयका अनुसार बैठक बिहान ११ बजे सिंहदरबारस्थित संसद् भवनमा सुरु हुनेछ ।

आजको बैठकमा सरकारले प्रस्तुत गरेको आगामी आर्थिक वर्ष २०८३/८४ को राजस्व र व्ययको वार्षिक अनुमान (बजेट) माथिको सामान्य छलफललाई निरन्तरता दिइने कार्यसूची रहेको छ । छलफलका क्रममा सांसदहरूले उठाएका जिज्ञासा र प्रश्नको जवाफ अर्थमन्त्री डा. स्वर्णिम वाग्लेले दिने कार्यक्रम तय गरिएको छ ।

यस्तै, अर्थमन्त्री वाग्लेले ‘विनियोजन विधेयक, २०८३’ र ‘राष्ट्र ऋण उठाउने विधेयक, २०८३’ प्रतिनिधिसभामा प्रस्तुत गर्ने सम्भावित कार्यसूची रहेको छ । साथै, ‘नेपाल राष्ट्र बैंक (तेस्रो संशोधन) विधेयक, २०८३’ माथि विचार गरियोस् भन्ने प्रस्ताव पनि सदनमा प्रस्तुत गरिनेछ ।

सरकारले ल्याएको बजेट, राजस्व नीति तथा आर्थिक कार्यक्रमबारे सांसदहरूबीच भइरहेको छलफललाई आजको बैठकले थप अगाडि बढाउने अपेक्षा गरिएको छ ।