काठमाडौं । राष्ट्रिय परीक्षा बोर्डले कक्षा–१२ को परीक्षाफल सार्वजनिक गरेको छ। बोर्डले शुक्रबार परीक्षाको नतिजा प्रकाशन गरेको जनाएको छ।
बोर्डका अनुसार यस वर्ष कक्षा–१२ परीक्षामा सहभागी विद्यार्थीमध्ये दुई लाख ६८ हजार १९० जनाले सबै विषयमा ग्रेड प्राप्त गरेका छन्। यो कुल परीक्षार्थीको ६४.१३ प्रतिशत हो।
यस वर्षको परीक्षामा कुल चार लाख १८ हजार १७० विद्यार्थी सहभागी भएका थिए। परीक्षाफलअनुसार करिब दुई तिहाइ विद्यार्थीले सबै विषयमा ग्रेड प्राप्त गर्दै उत्तीर्ण भएका छन्।
त्यस्तै, परीक्षा सञ्चालन तथा मूल्यांकन प्रक्रियासम्बन्धी विभिन्न कारणले ४० जना परीक्षार्थीको परीक्षा रद्द गरिएको बोर्डले जनाएको छ।
राष्ट्रिय परीक्षा बोर्डले परीक्षार्थी तथा अभिभावकलाई बोर्डको आधिकारिक वेबसाइट तथा अन्य स्वीकृत माध्यमबाट नतिजा हेर्न अनुरोध गरेको छ।
प्रतिक्रिया