काठमाडौं । भेनेजुएलामा विनाशकारी भूकम्पपछि आपतकाल घोषणा गरिएको छ । भूकम्पमा हजारौँ मानिसको मृत्यु भएको आशंका गर्दै देशभर आपतकाल लागू गरिएको हो ।
भेनेजुएलाका कार्यवाहक राष्ट्रपति डेल्सी रोड्रिगेजले राष्ट्रका नाममा सम्बोधन गर्दै आपतकालको घोषणा गरेकी हुन् । सम्बोधनका क्रममा गृहमन्त्री, राष्ट्रियसभाका प्रमुख तथा उनका भाइ जर्ज रोड्रिगेज पनि उपस्थित थिए ।
राष्ट्रपतिले राहत तथा उद्धार कार्यलाई प्रभावकारी बनाउन एक जनरललाई जिम्मेवारी तोकेको जनाइएको छ ।
अमेरिकी भूगर्भ सर्वेक्षणका अनुसार भूकम्पमा मृत्यु हुनेको संख्या १० हजार नाघ्ने सम्भावना ४४ प्रतिशत रहेको उल्लेख छ । राजधानी काराकासमा केही सेकेन्डको अन्तरालमा ७.२ र ७.५ म्याग्निच्युडका शक्तिशाली भूकम्प गएको बताइएको छ ।
भूकम्पका कारण भेनेजुएलामा ठूलो मात्रामा जनधनको क्षति भएको बीबीसीले जनाएको छ ।
प्रतिक्रिया