काठमाडौं । कैलालीको धनगढीबाट बैतडीतर्फ जाँदै गरेको यात्रुवाहक बस बैतडीमा दुर्घटनाग्रस्त भएको छ ।
सुपप्र ०१००१ ख ३९६३ नम्बरको बस बैतडीको पाटन नगरपालिका–८ गैराखानमा शुक्रबार अपराह्न दुर्घटनामा परेको हो ।
दुर्घटनामा कम्तीमा १६ जना घाइते भएका छन्। सबै घाइतेलाई उपचारका लागि नजिकका स्वास्थ्य संस्थातर्फ पठाउने तयारी भइरहेको छ भने उद्धार कार्य अझै जारी रहेको छ।
जिल्ला प्रहरी कार्यालय बैतडीका अनुसार बस सडकबाट तल खसेको छ । दुर्घटनालगत्तै नेपाल प्रहरी, सशस्त्र प्रहरी बल र स्थानीय बासिन्दा उद्धारमा खटिएका छन्।
घाइतेको अवस्था, यात्रुको यकिन संख्या तथा दुर्घटनाको कारणबारे थप विवरण संकलन भइरहेको प्रहरीले जनाएको छ।
प्रतिक्रिया