काठमाडौं । आइतबार काठमाडौंमा परेको अविरल वर्षापछि माइतीघर मण्डल क्षेत्र फेरि जलमग्न भएको छ।
निरन्तरको वर्षासँगै सडकमा पानी जम्दा माइतीघर क्षेत्र डुबानमा परेको हो। डुबानका कारण सो क्षेत्रको सवारी आवागमन प्रभावित भएको छ भने ट्राफिक व्यवस्थापनमा समेत चुनौती थपिएको छ।
ट्राफिक प्रहरीले सवारी चाप व्यवस्थापनका लागि वैकल्पिक व्यवस्थापन गरिरहेको भए पनि सडकमा पानी जमेकाले यात्रु तथा चालकले सास्ती खेप्नुपरेको छ।
माइतीघर क्षेत्रमा केही दिनअघि परेको वर्षापछि पनि यस्तै अवस्था सिर्जना भएको थियो। पटक–पटक डुबान दोहोरिनुले उक्त क्षेत्रको ढल निकास प्रणाली प्रभावकारी नभएको देखिएको स्थानीयको गुनासो छ।
स्थानीयवासीले वर्षायाम सुरु भएसँगै माइतीघरमा नियमित रूपमा डुबान हुने समस्या समाधानका लागि दीर्घकालीन ढल तथा पानी निकास व्यवस्थापन गर्न सम्बन्धित निकायसँग माग गरेका छन्।
प्रतिक्रिया