बुटवल । छोराको हत्या गरेको अभियोगमा बाबु पक्राउ परेका छन् । आफ्नै छोरा २१ वर्षीय सरोज चौधरीको हत्या गरेको अभियोगमा तिलोत्तमा नगरपालिका–१० मैनिहवा बस्ने ४५ वर्षीय सहसराम चौधरीलाई बिहीबार प्रहरीले पक्राउ गरेको हो ।
घरायसी विवादको क्रममा बिहीबार बिहान सहसरामले चक्कु प्रहार गर्दा सरोज गम्भीर घाइते भएको र गम्भीर घाइते भएका सरोजको मेडिकल कलेज भैरहवामा उपचारको क्रममा बिहीबार दिउँसो मृत्यु भएको प्रहरीले जनाएको छ ।
प्रहरीका अनुसार चक्कु प्रहारको सूचना पाएलगत्तै प्रहरी चौकी महुवारिबाट खटिएको प्रहरीले सहसरामलाई पक्राउ गरेको थियो । यस सम्बन्धमा प्रहरीले आवश्यक अनुसन्धान गरिरहेको छ ।
तस्विरः एआई
प्रतिक्रिया