काठमाडौं । भारतका शिक्षा मन्त्री धर्मेन्द्र प्रधानको राजीनामा राष्ट्रपति द्रौपदी मुर्मुले स्वीकृत गरेकी छन् । राष्ट्रपति कार्यालयले जारी गरेको विज्ञप्तिअनुसार प्रधानमन्त्री नरेन्द्र मोदीको सिफारिसमा राष्ट्रपति मुर्मुले प्रधानको राजीनामा स्वीकृत गरेकी हुन् ।
प्रधानको राजीनामासँगै रिक्त भएको शिक्षा मन्त्रालयको जिम्मेवारी प्रधानमन्त्री मोदीले प्रल्हाद जोशीलाई दिएका छन् । जोशीले हाल उपभोक्ता मामिला, खाद्य तथा सार्वजनिक वितरण मन्त्रालयसँगै नवीन तथा नवीकरणीय ऊर्जा मन्त्रालयको जिम्मेवारीसमेत सम्हालिरहेका छन् ।
भारतमा परीक्षाका प्रश्नपत्र चुहावटको घटनापछि धर्मेन्द्र प्रधानको राजीनामाको माग गर्दै ‘कक्रोच जनता पार्टी’ (सीजेपी) ले करिब एक महिनादेखि नयाँदिल्लीको जन्तर-मन्तरमा आन्दोलन गर्दै आएको थियो । आन्दोलनको दबाबबीच प्रधानले शनिबार पदबाट राजीनामा दिएका थिए ।
प्रतिक्रिया