नेपालगञ्ज । बाँकेको नेपालगञ्ज उपमहानगरपालिका-१९ भैयापुरस्थित न्यु किसान इँटाभट्टामा पर्खाल भत्किँदा दुई जना मजदुरको मृत्यु भएको छ ।
गत साउन १८ गते बिहान करिब ११:२० बजे इँटाभट्टाको पर्खाल अचानक भत्किँदा ५२ वर्षीय वर्षादी लोधको घटनास्थलमै मृत्यु भएको थियो । सोही दुर्घटनामा परी ४५ वर्षीय राम फेरन कोरी गम्भीर घाइते भएका थिए ।
घाइते कोरीको उपचारका क्रममा बुधबार बिहान करिब ३:३० बजे अस्पतालमा मृत्यु भएको बाँके प्रहरीले जनाएको छ ।
घटनापछि मृतक लोधको शव पोस्टमार्टम गरी आफन्तको जिम्मा लगाइसकिएको छ भने कोरीको शव पोस्टमार्टमका लागि अस्पतालमा राखिएको प्रहरीले जनाएको छ ।
इँटाभट्टाको पर्खाल भत्किनुको कारणबारे अनुसन्धान भइरहेको बाँके प्रहरीले जनाएको छ ।
प्रतिक्रिया