धादिङ । धादिङको गजुरी गाउँपालिका-२ चालिसेमा सुख्खा पहिरो खस्दा पृथ्वीराजमार्ग अवरुद्ध भएको छ । आज बिहान करिब ५ः४५ बजे सडक माथिबाट सुख्खा पहिरो खसेपछि पृथ्वीराजमार्गको दुवैतर्फको सवारी आवागमन पूर्ण रूपमा रोकिएको हो ।
पहिरोका कारण सडक अवरुद्ध भएपछि इलाका प्रहरी कार्यालय गजुरीबाट प्रहरी सहायक निरीक्षक रामशरण बस्नेतको कमाण्डमा ट्राफिक प्रहरीसहित ६ जनाको टोली घटनास्थलमा खटिएको छ ।
जिल्ला प्रहरी कार्यालय धादिङका अनुसार प्रहरी टोलीले पहिरो पन्छाएर सडक सञ्चालनमा ल्याउने काम गरिरहेको छ । पहिरो हटाउने कार्य जारी रहेकाले उक्त सडकखण्ड हुँदै यात्रा गर्ने सवारी चालक तथा यात्रुलाई सावधानी अपनाउन प्रहरीले आग्रह गरेको छ ।
प्रतिक्रिया