धादिङ । धादिङको कृष्णभीरमा सडक भासिएपछि मुग्लिन-काठमाडौं सडकखण्ड पूर्णरूपमा अवरुद्ध भएको छ ।
बागमती प्रदेश ट्राफिक प्रहरी प्रमुख डिल्ली नारायण पाण्डेका अनुसार कृष्णभीरमा सडक भासिएपछि दुवैतर्फको यातायात आवागमन पूर्णरूपमा रोकिएको हो ।
सडक अवरुद्ध भएपछि मुग्लिनतर्फ जाने तथा काठमाडौं आउने-जाने सवारीसाधन प्रभावित भएका छन् । सडक खुलाउने प्रयास भइरहेको प्रहरीले जनाएको छ ।
यात्रु तथा सवारी चालकलाई सडकको अवस्था सामान्य नभएसम्म वैकल्पिक मार्ग प्रयोग गर्न वा यात्रा गर्नुअघि सडकको अवस्थाबारे जानकारी लिन ट्राफिक प्रहरीले आग्रह गरेको छ ।
प्रतिक्रिया