काठमाडौं । धादिङको बेनिघाट रोराङ गाउँपालिका–७ स्थित कृष्णभीरमा पहिरो खसेपछि अवरुद्ध पृथ्वी राजमार्ग एकतर्फी सञ्चालनमा आएको छ ।
पहिरो पन्छाएर शनिबार दिउँसो साढे १२ बजेदेखि राजमार्ग एकतर्फी सञ्चालनमा ल्याइएको हो । माथिबाट ढुंगासहितको पहिरो खसेको र तलबाट त्रिशुलीले कटान गरेका कारण शुक्रबार बिहानदेखि कृष्णभीरमा यातायात अवरुद्ध बनेको थियो । पहिरो खस्ने जोखिम कायमै रहेकाले रातभर राजमार्गमा यातायात सञ्चालन हुन सकेको थिएन ।
हाल एकतर्फी रूपमा सवारीसाधन सञ्चालनमा आए पनि सडकमा थप पहिरो खस्न सक्ने जोखिम रहेकाले सावधानी अपनाउन आग्रह गरिएको छ।
प्रतिक्रिया