चितवन । रसुवाको भोटेकोशी नदीमा आएको विनाशकारी बाढीमा बगेर आएका २७२ वटा शव चितवनको फिस्लिङदेखि गोलाघाटसम्म त्रिशूली तथा नारायणी नदी किनारमा फेला परेका छन् ।
जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलका अनुसार फेला परेका शवमध्ये हालसम्म १२ जनाको मात्र सनाखत भएको छ। सनाखत भएका शव आफन्तलाई बुझाइएको छ ।
सनाखत हुन नसकेका शवलाई भविष्यमा आफन्तले पहिचान गर्न सक्ने गरी वैज्ञानिक विधिबाट सुरक्षित राख्न थालिएको प्रहरीले जनाएको छ । त्यसका लागि शवहरूलाई देवघाटमा सुरक्षित व्यवस्थापन गरिएको छ ।
प्रहरीका अनुसार नदी किनारमा फेला परेका २७२ शवमध्ये ६२ महिला, ११० पुरुष, सात बालक, छ बालिका तथा ८७ जनाको पहिचान खुल्न सकेको छैन ।
फेला परेका शवमध्ये शनिवार ९६ र आइतवार १०३ गरी १९९ शवलाई सुरक्षित रूपमा गाडिएको प्रहरीले जनाएको छ ।
यसैगरी, सनाखत भई आफन्तले बुझेका १२ शवमध्ये ११ पुरुष र एक बालिका रहेका छन् ।
बाढीका कारण ठूलो जनधनको क्षति भएपछि त्रिशूली तथा नारायणी नदीमा बगेर आएका शव खोजी तथा व्यवस्थापनको काम अझै जारी रहेको प्रहरीले जनाएको छ ।
प्रतिक्रिया