रसुवा । भोटेकोसी नदीमा आएको विनाशकारी बाढीबाट प्रभावित क्षेत्रमा खोज तथा उद्धारका लागि दक्षिण कोरियाबाट आएको उद्धार टोली रसुवाको धुञ्चे पुगेको छ ।
नेपाल सरकारको अनुरोधमा दक्षिण कोरियाली उद्धार टोली मंगलबारदेखि बाढी प्रभावित क्षेत्रमा खोज तथा उद्धार कार्यमा खटिएको हो । टोलीले आजैदेखि भोटेकोसी बाढी प्रभावित क्षेत्रमा खोज तथा उद्धारको काम सुरु गर्ने जनाएको छ ।
बाढीपछि सम्पर्कविहीन रहेका दक्षिण कोरियाली नागरिकहरूको खोजीलाई पनि टोलीले प्राथमिकतामा राख्नेछ । बाढीपछि रसुवामा दक्षिण कोरियाका ९ जना नागरिक सम्पर्कविहीन रहेको जनाइएको छ ।
उद्धार टोलीले स्थानीय नेपाली सुरक्षाकर्मी तथा उद्धारमा संलग्न अन्य निकायसँग समन्वय गरी प्रभावित क्षेत्रमा खोजी तथा उद्धार अभियान सञ्चालन गर्नेछ ।
प्रतिक्रिया