काठमाडौं । ललितपुरको धापाखेलमा पहिरोका कारण एउटा सिंगै घर ढलेर खोलामा पुगेको छ । ललितपुर महानगरपालिका–२४, धापाखेलस्थित प्रगति टोलमा सोमबार बिहान ६३५ बजे पहिरोले घर ढालेको हो । ढलेको घर खोलामा पुगेको छ । घटनामा कुनै मानवीय क्षति भएको छैन ।
पहिरोका कारण स्थानीय खोला समेत थुनिएको छ । आइतबारदेखि नै उक्त क्षेत्रमा पहिरो खस्न थालेको थियो । आइतबार दिउँसो करिब १ः४० बजे घरको भुइँतलासँग जोडिएको ट्रसले बनेको किचनसमेत करिब २० मिटर तल खसेको थियो ।
घरमा तीन जनाको परिवार बस्दै आएको भए पनि पहिरोको जोखिम देखिएपछि उनीहरू आइतबार नै आफन्तको घरमा सरेका थिए ।
घर ढलेपछि त्यहाँ रहेका सामानहरू सुरक्षित स्थानमा सार्ने काम भइरहेको छ । घटनास्थलमा प्रहरी प्रभाग धापाखेलबाट प्रहरी सहायक निरीक्षकको कमान्डमा चार जनाको टोली खटिएको छ । ललितपुर महानगरपालिकाको नगर प्रहरी टोलीसमेत घटनास्थलमा परिचालन गरिएको छ ।
घटनाको मुचुल्का तयार गर्न सातदोबाटो प्रहरी वृत्तबाट टोली खटाइएको प्रहरीले जनाएको छ ।
प्रतिक्रिया