काठमाडौं । बूढीगण्डकी नदीमा आइतबार बिहान आएको बाढीपछि पहिरोको जोखिममा परेका ६ जनाको नेपाली सेनाले हवाई उद्धार गरेको छ।
नेपाली सेनाका अनुसार गोरखाको जगत इलाकामा पहिरोको जोखिममा रहेका उनीहरूलाई हवाई माध्यमबाट सुरक्षित स्थानमा सारिएको हो।
बाढीपछि प्रभावित क्षेत्रमा खोज तथा उद्धार कार्यलाई तीव्रता दिइएको सेनाले जनाएको छ। उद्धार तथा राहत कार्यका लागि नेपाली सेनाको टोली हवाई र स्थलमार्ग दुवैबाट परिचालन गरिएको सेनाको जनसम्पर्क तथा सूचना निर्देशनालयले जानकारी दिएको छ।
बूढीगण्डकी नदीमा आएको बाढी र पहिरोको जोखिमलाई ध्यानमा राख्दै प्रभावित क्षेत्रमा उद्धार तथा खोजी कार्य जारी रहेको सेनाले जनाएको छ।
प्रतिक्रिया