काठमाडौं । नेपाली कांग्रेसका सभापति गगन थापा र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
ओली निवास गुन्डुमा मंगलबार साँझ भएको भेटवार्तामा मधेस प्रदेश सरकारका विषयमा छलफल भएको बताइएको छ । उनीहरूबीच समसामयिक विषय, सरकारको कार्यशैली तथा पछिल्लो विकसित घटनाक्रमबारे पनि छलफल भएको जनाइएको छ ।
मधेस प्रदेशमा नेपाली कांग्रेसका कृष्णप्रसाद यादव नेतृत्वको सरकार छ । तर, एमालेले कांग्रेस नेतृत्वको प्रदेश सरकारलाई दिएको समर्थन गत असोज २५ गते फिर्ता लिएको थियो ।
१०७ सदस्यीय मधेस प्रदेशसभामा जनता समाजवादी पार्टीका २७, नेकपा एमालेका २३, नेपाली कांग्रेसका २२, नेपाली कम्युनिस्ट पार्टीका १५, जनमत पार्टीका १२ तथा संघीय समाजवादी पार्टी र राष्ट्रिय प्रजातन्त्र पार्टीका एक-एक सांसद छन् ।
प्रतिक्रिया