काठमाडौं । नेपाल प्रहरीको महानिरीक्षक (आईजीपी) पदबाट प्रधानमन्त्रीको सुरक्षा सल्लाहकारमा सरुवा भएका दानबहादुर कार्कीले दिएको रिट निवेदन दर्ता गर्ने वा नगर्नेबारे आज टुंगो लाग्ने भएको छ ।
सर्वोच्च अदालत प्रशासनले बिहीबार रिट अध्ययनका लागि राखेको थियो ।
बुधबार सरकारले आफूलाई प्रहरी महानिरीक्षकबाट हटाएर डाक्टर मनोजकुमार केसीलाई आईजीपी नियुक्त गर्ने निर्णयविरुद्ध कार्की रिट लिएर सर्वोच्च अदालत पुगेका थिए ।
कार्की निकट अधिवक्ता टिकाबहादुर कुँवरले सर्वोच्च प्रशासनले रिट अध्ययनका लागि समय लाग्ने भन्दै बिहीबार दर्ता नगरेको जानकारी दिए ।
मन्त्रिपरिषद्को निर्णयअनुसार डा. मनोज केसीले बुधबारदेखि नै प्रहरी प्रमुखको जिम्मेवारी सम्हालिसकेका छन् । उक्त रिट शुक्रबार दर्ता भएमा तिहार बिदापछि मात्रै प्रारम्भिक सुनुवाइ हुने सम्भावना छ ।
प्रतिक्रिया