काठमाडौं । एसीसी मेन्स एसिया कप राइजिङ स्टार्स क्रिकेट प्रतियोगितामा नेपालले आफ्नो पहिलो खेलमा भारत ‘ए’ विरुद्ध पहिले फिल्डिङ गर्ने भएको छ ।
शुक्रबार कतारको दोहास्थित वेस्ट इन्ड पार्क अन्तर्राष्ट्रिय क्रिकेट रंगशालामा भएको टसमा नेपाली टोलीका कप्तान सन्दीप लामिछानेले टस जितेर फिल्डिङ रोजेका हुन् । उनले भारत ‘ए’ लाई पहिले ब्याटिङको निम्तो दिएका छन् ।
प्रतियोगितामा नेपालले पहिलोपटक सहभागिता जनाएको हो। नेपाली टोलीमा राष्ट्रिय टोलीका केही अनुभवी खेलाडीसँगै अधिकांश युवा तथा ‘ए’ टोलीका खेलाडी समेटिएका छन् । राष्ट्रिय टोलीका अधिकांश खेलाडी नेपाल प्रिमियर लिग (एनपीएल) मा व्यस्त रहेकाले नेपालले मिश्रित टोली मैदानमा उतारेको छ ।
















प्रतिक्रिया