काठमाडौं । कतारको दोहामा जारी एसिया कप राइजिङ स्टार्स क्रिकेट प्रतियोगिताअन्तर्गत नेपालले आज आफ्नो दोस्रो खेल खेल्दैछ ।
नेपालले आज संयुक्त अरब इमिरेट्स (यूएई) सँग प्रतिस्पर्धा गर्न लागेको हो । खेल नेपाली समयअनुसार बिहान ११ः४५ बजे सुरु हुनेछ ।
समूह ‘बी’ मा रहेको नेपालले पहिलो खेलमा भारत ‘ए’ सँग फराकिलो हार बेहोरेको थियो । भारत ‘ए’ ले दिएको ३३३ रनको लक्ष्य पछ्याएको नेपाल ११.३ ओभरमा २६ रनमै अलआउट भएको थियो ।
नेपाल रहेको समूह ‘बी’ मा भारत ‘ए’, पाकिस्तान ‘ए’ र यूएई रहेका छन् । यस समूहअन्तर्गत भारत ‘ए’ र पाकिस्तान ‘ए’ बीचको खेल पनि आजै हुँदैछ । उक्त खेल नेपाली समयअनुसार दिउँसो ३ः४५ बजे सुरु हुनेछ ।
पहिलो खेलमा पराजित नेपाल आज यूएईलाई हराउँदै प्रतियोगितामा पहिलो जित निकाल्ने लक्ष्यमा हुनेछ ।
















प्रतिक्रिया