बुटवल । विगत १६ वर्ष देखि द्वन्द्व पीडितहरुका लागि भनेर राखिएको कार्यक्रम आँसु बगाउने कार्यक्रम बाहेक अन्य उपलब्धी नहुने गरेको सरोकारवालाहरुले बताएका छन् । मानव अधिकारको लागि महिला एकल महिला समूह रुपन्देहीको आयोजनामा बुटवलमा भएको नागरिक संवाद कार्यक्रममा बोल्ने वक्ताहरुले द्वन्द्व सकिएको लामोसमय पुग्दा पनि पीडितहरु पिडामै रहेको दुखेसो गरे । उनीहरुले आँसु बगाउने कार्यक्रमका रुपमा १६ वर्षभन्दा बढि कार्यक्रममै बितेको बताए । द्वन्द्घपीडितका परिवारलाई अझै पनि शिक्षा, रोजगारमा आवद्घ गर्न सरकार सफल नभएको गुनासो गर्दै उनीहरुले द्वन्द्वमा पिडितलाई सरकारले उपलब्ध गराउने घोषणा गरेको राहत रकम अझै पनि पाउन नसक्नु दुखद भएको बताए ।
कार्यक्रममा बोल्दै लुम्बिनी प्रदेशका आन्तरिक मामिला तथा संचारमन्त्री तिलकराम शर्माले द्वन्द्वपीडितको परिवारलाई रोजगारको तालिम अघि बढाएर थोरै भएपनि ब्यवसायमा जोड्ने र आर्थिक रुपमा सबल गराउन खोजिएको जनाए । घाईतेहरुको विवरण खुल्ने गरि परिचयपत्र जारी गर्ने प्रक्रियामा सरकार रहेको भन्दै उनले यसबाट उपचारमा सहजता मिल्ने बताए । द्वन्द्व पीडितलाई सम्बोधनमा सरकार अल्मलिएको स्विकार्दै उनले यो नियतबस नभई विधिप्रक्रियाको ढिलाई भएको बताए ।
अधिवक्ता महेन्द्र पाण्डेले सधैभरि द्वन्दको घाउ बल्झाउने भन्दा पनि समाधानको बाटोका रुपमा न्याय पाउने सरकारको दायित्व भएको बताए । संक्रमणकालिन न्यायको महत्त्वपूर्ण बुदामा परिपुरन भएको उल्लेख गर्दै उनले लुम्बिनी प्रदेश सरकार परिपुरन सम्बन्धि ऐन मस्यौदा तयारीमा रहेको जानकारी दिए ।
कार्यक्रममा पुर्व सभासद तथा द्वन्द पीडित परिवारका सदस्य सोनिया यादवले १६ वर्ष देखि आँसु बगाउने कार्यक्रमकारुपमा द्वन्द्व पिडितहरुको कार्यक्रम गरेर बितेको बताईन । उनले द्वन्द्घपिडितका परिवारलाई अझै पनि शिक्षा, रोजगारमा आवद्घ गर्न सरकार सफल नभएको दुखेसो गरिन् ।
द्वन्द्वमा पिडितलाई सरकारले उपलब्ध गराउने घोषणा गरेको राहत रकम अझै पनि पाउन नसक्नु दुखद भएको उनले बताइन । द्वन्द्वपिडितहरुलाई एउटै वर्गमा राख्न नहुने उनको सुझाव छ । उनले आर्थिक रुपमा कमजोर द्वन्द्व पिडितका परिवारलाई पीडा न्युनिकरण हुने गरि योजना ल्याउन सरकारसँग माग गरिन ।
कार्यक्रममा वडा नं ९ का वडाअध्यक्ष प्रदिप कुमार श्रेष्ठले पिडितको पक्षमा वडास्तरबाट आवश्यक कार्यक्रम ल्याउने बताए । स्वस्थ्य, शिक्षा र रोजगारको क्षेत्रमा ३ तहकै सरकारबाट हुने पहलमा आफुले सहयोग गर्ने प्रतिवद्घता जनाए । बुटवल उपमहानगरपालिकामा बसोबास गर्ने द्वन्द्व पिडित एकल महिलाहरुको निशुल्क स्वस्थ्य विमा गर्ने घोषणा गरिएको उनले बताए ।
समुहका अध्यक्ष राधिका श्रेष्ठले परिपुरन र सेवासुविधाबाट आफुहरुको पीडा अन्त्य नहुने तर थोरै भएपनि पिडा कम हुने बताईन । तीन तहकै सरकार बिचमा समन्वय अभावमा आफुहरु पिडामा रहेको उनले दुखेसो गरे ।
कार्यक्रममा समुहका प्रदेश अध्यक्ष जानकी घिमिरेले द्वन्द्व पिडितका परिवार कति छन भन्ने संख्या यकिन नहुदा पनि संगठित गर्ने कामलाई पहिलो प्राथमिकतामा राखेको बताईन ।
रुपन्देहीका २ सय ५० जना घाईतेहरुलाई प्रदेश सरकारले निशुल्क स्वस्थ्य बिमा गराएको संस्थाकी सचिव रिता सेनले बताईन । बुटवल उपमहानगरपालिकामा २५ घरधुरी र रुपन्देहीमा करीब १ सय ५० घरधुरी द्वन्द्व पिडित रहेका छन् ।
प्रतिक्रिया