काठमाडौं । नेकपा एकीकृत समाजवादीबाट पर्यटन, संस्कृति तथा नागरिक उड्डयनमन्त्री बनेका प्रेम आलेले राजीनामा बुझाएका छन् ।
मन्त्री आलेले एकीकृत समाजवादीका अध्यक्ष माधवकुमार नेपाललाई राजीनामा पत्र बुझाएका हुन् । आलेले आज पार्टी केन्द्रीय कार्यालय मीनभवनमा पुगेर राजीनामा बुझाएका हुन् ।
एकीकृत समाजवादीको शुक्रबार बसेको पोलिटव्यूरो बैठकमा आलेले ४८ घण्टाभित्र राजीनामा दिने बताएका थिए ।
पार्टीले सरकारमा सहभागी मन्त्रीहरुलाई हटाएर अरु नेताहरुलाई सरकारमा पठाउने निर्णय गरेको थियो । मन्त्री हेरफेरको निर्णयमा बहालवाला मन्त्रीहरुसहित केही सांसदले असन्तुष्टि जनाएका िथिए ।
शनिबार बसेको केन्द्रीय कमिटी बैठकले अहिलेसम्म पार्टीको निर्णय कार्यान्वयन नभएको भन्दै असन्तुष्टि जनाएको थियो ।
एकीकृत समाजवादीको जेठ २२ गतेको सचिवालय बैठकले मन्त्री हेरफेर गर्ने निर्णय गरेको थियो ।
प्रतिक्रिया