काठमाडौं । नेकपा माओवादी केन्द्रले स्थानीय तह निर्वाचनमा पार्टीका अधिकारिक उम्मेदवार हराउन अन्तर्घात गर्नेहरुलाई कारवाही गर्न छानबिन समिति बनाउने भएको छ ।
पार्टी केन्द्रीय समितिको जारी बैठकमा अध्यक्ष प्रचण्डले स्थानीय तह निर्वाचनमा अन्तर्घात गर्नेलाई कारबाही गर्न छानबिन समिति बनाइने बताएका हुन् । प्रचण्डले १५ दिनभित्र प्रतिवेदन दिनेगरी छानबिन समिति बनाइने बताए । अन्तर्घातीलाई अहिल्यै कारवाही नगरे आगामी निर्वाचनमा थप क्षति हुनसक्ने भएकाले छानबिन समिति बनाउन लागिएको उनले जानकारी दिए । माओवादीमा मधेश प्रदेश लगायतका धेरै स्थानमा अन्तर्घात भएको थियो । यस्तै, अमेरिकी सहयोग परियोजना (एमसीसी)बारे आम चुनावपछि मात्र पार्टीमा बहस गर्ने प्रचण्डले जानकारी गराए ।
प्रतिक्रिया