बाजुरा । बाजुराको बुढीगंगा नगरपालिकामा बिहीबार जारी मतदानमा विवाद उत्पन्न भएपछि प्रहरीले गोली चलाएको छ । वैशाख ३० गते भएको निर्वाचनमा धाँधली भएपछि मतदान स्थगित भएको बुढीगंगामा पुनः मतदानमा समेत विवाद उत्पन्न भएको हो ।
बुढीगंगा नगरपालिका-९ को त्रिशक्ति मावि मतदान केन्द्रमा सत्ता गठबन्धन र एमालेका कार्यकर्ताबीच तनाव उत्पन्न भएपछि स्थितिलाई नियन्त्रणमा लिन प्रहरीले हवाई फायर गरेको छ । स्थिति तनावपूर्ण बनेपछि करिब १५ मिनेट मतदान स्थगित भएको र स्थिति नियन्त्रणमा लिन प्रहरीले हवाई फायर गरेको बाजुराका सहायक प्रमुख जिल्ला अधिकारी लोकेन्द्र बहादुर विष्टले जानकारी दिए ।
प्रहरीले तनावपूर्ण स्थितिलाई नियन्त्रणमा लिएपछि पुन मतदान सुरु भएको उनले बताएका छन् । बुढीगंगाको मेरका लागि कांग्रेसबाट रंग खाती र एमालेबाट रामबहादुर बानियाँ उम्मेदवार छन् ।
यसअघिको मतदानका क्रममा १० मध्ये ६ वटा मतदानस्थलमा एमाले र कांग्रेस कार्यकर्ताहरूले बुथ कब्जा गरेपछि मतदान रोकिएको थियो । बेलामा चुनाव हुन नपाउँदा बुढीगंगाले जनप्रतिनिधि चयन र बजेट ल्याउन पछि परिसकेको छ ।
प्रतिक्रिया