रोल्पा जिल्लाको गँगादेव गाँउपालिकाका ईन्जिनीयर नविन डाँगी सेवाग्राहीबाट घुस लिँदालिँदै पक्राउ परका छन् । अख्तियार दुरुपयोग अनुसन्धान आयोग बुटवल कार्यालय अन्तर्गत नेपालगन्ज कार्यालयको विशेष टोलिले ईन्जिनीयर डाँगीलाई ५० हजार घुस लिँदै गरेको अवस्थामा पक्राउ गरेको हो ।
मोटरबाटो निर्माणको नापी किताव र बिल तयार गरिदिए बापत सेवाग्राहीसँग घुस रकम लिईरहेको अवस्थामा रोल्पा गँगादेबी गाँउपालिका २ स्थित स्वास्थ्य कार्यालय रहेको डाँगी बस्दै आएको भवनबाट अख्तियारको टोलिले उनलाई पक्राउ गरेको हो ।
पक्राउ परेका डाँगीलाई अख्तियारको हिरासतमा राखेर अनुसन्धान भइरहेको अख्तियार दुरुपयोग अनुसन्धान आयोगका प्रवक्ता श्याम प्रसाद भण्डारीले जनाएका छन् ।
प्रतिक्रिया