अर्घाखाँची । कपिवस्तुका किसानले उत्पादन गरेरे बिक्रिका लागि अर्घाखांची पु¥याईएको तरकारी जिल्लामा बेच्न नदिने भन्दै नष्ट गरिएको छ ।
जिल्ला बिपद ब्यवस्थापन समितिले कोरोना संक्रमित जिल्लाबाट तरकारी ल्याउँन प्रतिबन्ध लगाएको अवस्थामा तरकारी जिल्ला भित्राएको भन्दै जिल्ला प्रहरी कार्यालय अर्घाखाँचीले तरकारी नष्ट गरेको हो ।
सन्धिखर्ककको फोहोर फाल्ने ठाउँमा लगेर प्रहरीले तरकारी नष्ट गरेको हो । सन्धिखर्कमा तरकारी तथा फलफुल विक्रीवितरण गर्दै आइरहेको पुस्पा स्टोरका सञ्चालक किशोर बानियाँले छिमेकी जिल्ला कपिलवस्तुको बुद्धभुमी नगरपालिका वडा नं.१० बाट बिक्रीवितरणको लागि अर्घाखांची लगेका थिए । उनले लगेका हरियो तरकारीहरु बोडि, करेला, लौका, घिरौला, भेन्डी टमाटर र खुर्सानीहरु प्रशासनको इजाजत बिना ल्याइएको र हरियो तरकारीमा कोरोना संक्रमण हुन सक्ने भन्दै प्रहरीले नष्ट गरेको जिल्ला प्रहरी कार्यालय अर्घाखाँचीका प्रहरी निरिक्षक प्रकाश खत्रीले बताए ।
अर्घाखाँचीमा खाद्यान्न तथा विकास निर्माणमा प्रयोग हुने सामाग्रीहरुमा भने प्रतिबन्ध लगाईएको छैन । जिल्लामा अहिलेसम्म दुई जनामा संक्रमण देखिएको छ ।
प्रतिक्रिया